Nafarroa Arena mukuru bete zuen jendetzaren aurrean iragarri zuen Pello Reparazek Aaztiyen birako azken kontzertua irailaren 6rako, Donostiako Illunben. Mitoaroa ikusgarrirako sarrerak salgai jarri orduko bukatu zirela eta, lasaitasunerako deia egin zuen Zetak taldeak, eta beste saiorik ere izango zela agindu. Irailaren 5ean ipini zuten bigarren eguna, baina baita beste horrenbeste gertatu ere, ordu gutxian.
Irailaren 7an, igandez, eskainiko du Zetak taldeak Mitoaroa ikusgarriaren hirugarren saioa, eta dagoeneko amaitu dira horrako sarrerak ere. Guztira 30.000 tiket saldu dira.
Hiru kontzertu horiek «beste zerbaiten atari» izan litezkeela eman du aditzera Pello Reparazek taldearen izenean. Halere, besterik ez du zehaztu nahi izan, artean «kontzeptu fasean» dagoelako irailean onduko dutena. Mitoaroa ikusgarriak, zenbait gonbidaturen kolaborazioarekin batera, Nafarroako pertsonaia mitologikoak eraman ditu oholtzara orain arte. Irailerako, pertsonaien aukera zabaltzeko asmoa du Reparazek.
Ikusi gehiago
Ikusi gehiago
