Doechii
'Alligator Bites Never Heal'
Diskoetxea: Top Dawg Entertainment, Capitol Records.
Kendrick Lamar ahalguztidunaren arabera, Floridako Doechii egun entzun daitekeen rap musikari onena da. Bada, Alligator Bites Never Heal hau Zingiretako printzesa-ren estreinako lana da —aurretik sare sozialen bitartez zabaldu ditu bere kantuak—, eta hip-hop-etik ez ezik, beste hamaika iturritatik ere edaten du, besteak beste R&B garaikidetik eta trapetik, baina Doechiiren fluxuan ahotsa da benetan nabarmentzen dena, haren moldakortasuna eta originaltasuna tarteko. Diskoan murgildu aurretik, Tiny Disk-eko emanaldia ikustea gomendatzen dizuet: itzela.
