D'museoaren aurkako salaketa artxibatu dute

ONDAREA. Donostiako Instrukzio Epaitegiak artxibatu egin du Pilar Oteiza Jorge Oteizaren ondarearen oinordekoak Donostiako elizbarrutiko D'museoren kontra jarritako salaketa, besteak beste ez duelako ikusi «iruzurra edo kaltea» egiteko asmorik. D'museoak Jorge Oteizak «egindakoak» ziren hamasei eskultura aurkeztu zituen erakusketa batean udaberriaren amaieran, baina Oteiza fundazioak gerora adierazi zuen obra horiek ez zeudela artistaren lan osoa biltzen duen katalogo arrazoituan. Edorta Kortadi erakusketaren komisarioak azaldu zuen Argentinako bildumagile partikular baten eskuetan egon direla orain gutxi arte lan horiek. Hura hil ostean, nafar bildumagile batek eskuratu zituen.