Caribou. 'Our Love'

Diskoetxea: Merge Records.



Orain lau urte Swin diskoa argitaratzearekin bat elektronikaren izen handietako bat bilakatu zen Dan Snaith, eta munduan zehar batera eta bestera ibili da geroztik. Bitarte horretan, gainera, beste lan bat ere argitaratu du Daphni izengoitiarekin, Caribouren lan hark itzal egitea saihestu nahirik. Our Love berrian ohiko sinadurarekin bueltatu da, inoiz baino soinu-aukera zabalagora ailegatzeko gaitasuna erakutsiz. Izan ere, entzulea proban jartzen du etengabe Snaithek, batzuetan irudituko zaio bakailaoaren tankerako erritmoekin ziria sartu nahian ari zaiola, eta, besteetan -Dive kantuan, kasurako-, tempoa lasaitu eta ambient paisaietan murgilduko da ohartzerako. Zalantzarik gabe, diskoa irekitzen duen Can´t Do Without You abestian kontzentratzen da ondorengo 40 minutuetako mamia, disko borobil bateko baliabide aberastasuna jasotzen duen lagin aparta baita.