Benny Trokan
'Do You Still Think of Me'
Diskoetxea: Wick Records.
Spoon, Lee Fields & The Expressions, Reigning Sound eta The Jay Vons soul eta rock kutsuko bandetan aritutako baxu jotzailea izandakoa da Trokan, eta Do You Still Think of Me bere lehen iraupen luzeko lana da, aurretik single gutxi batzuk baino ez baititu argitaratu, guztiak Wick zigiluaren eskutik. Bada, estreinako grabazio luze hau gozamen hutsa da, bertan jasotako doinuak melodiatik abiatzen baitira 60ko urteetako hamaika putzutan murgiltzeko, tartean, soul gihartsuan, garage-psych eztian edo pop eguzkitsuan. Hala, hamabi harribitxiek askotariko artisau-lana osatzen dute, eta Trokanek dotorezia erakusten du kantu iradokitzaileak idatziz eta joz.
