Final-laurdenetan sartu da asteburuan Gipuzkoako Bertsolari Txapelketa, eta fase berriko lehen bi saioak egin dituzte larunbatean eta igandean. Larunbatean Eibarko Coliseon jokatutako final-laurdenean Alaia Martin nagusitu zen erraz —puntuei dagokienez, behinik behin—, eta atzo, igandea, antzera irabazi zuen saioa Beñat Gaztelumendik, Errenteriako Lekuona fabrikan. 493 puntu eskuratu zuen Gipuzkoako gaur egungo txapeldunak, eta ia 40ren aldea atera zion Iñigo Gorostarzu bigarren sailkatuari (455).
Gainerakoen puntuazioak hauek izan ziren: Beñat Iguaran (451,5), Unai Gaztelumendi (444), Oihana Arana (440) eta Aitor Salegi (427).
Errenterian irabazita, Gaztelumendi zuzenean sailkatu da finalaurrekoetarako, eta gainerakoek sailkapen orokorraren arabera izango dute horretarako aukera. Hain zuzen ere, bost final-laurdenetako irabazleak eta beste hamahiru bertsolari pasatuko dira hurrengo fasera.
Bi saio jokatuta, honela dago gaur egun sailkapen orokorra.
1. Alaia Martin 531,5
2. Agin Laburu 503,5
3. Beñat Gaztelumendi 493
4. Eneko Araiztegi 469
5. Haizea Arana 458,5
6. Iñigo Gorostarzu 455
7- Beñat Iguaran 451,5
8. Manu Goiogana 448
9- Unai Gaztelumendi 444
10. Oihana Arana 440
11. Aratz Igartzabal 438
12. Aitor Salegi 427
