Baionako Euskal Museoa bere ateak zerratzera behartua da intsektu xilofagoek hartuta dagoelako. Zehazkiago, pipiak (anobiidae) dira bertan atzeman dituzten intsektuak: horien larbek zura zulatzen dute, eta horregatik izan daitezke lanjerosak egoitzaren zurezko estrukturarendako eta museoak gordetzen dituen zenbait obrarendako. Ordea, animalia bera eta haren kontrako tratamendua ez dira kaltegarriak gizakiendako.
Urtarrilaren 6tik martxoaren 24ra bitarte hetsia izanen da egoitza.
Hiru fasetan iraganen da intsektuen kentzeko prozesua: lehen hilabetean gunea eta obrak prestatuko dituzte esku hartzerako, bigarrenean lokalak eta bildumak tratatuko dituzte, eta hirugarrenean, dena garbitu eta berrezarriko dute. Aurreikusi dute orotara 100.000 euro gostako zaiela.
