bad nerves
'Still Nervous'
.
Diskoetxea: Lowly.
Garagardoz bustiriko, listu eta zigarro erreduraz beteriko moketa usaina oraindik ere presente dagoela irakurri dut nonbaiten, eta ezin zuzenagoa iruditu zait deskribapena. Bad Nervesek bigarren lan luzea argitaratu berri du, eta lehenengoaren rock & roll azkar eta dantzagarriak guztiz harrapatu bagintuen, hau ere ez da atzean gelditzen. Still Nervous festa bat da, zure aukeren gainetik dantzatzera behartzen zaituena, Don’t Stop- en erritmo frenetikoak besotik heldu eta salto egitera bultzatzen zaituelarik. Gitarra zuzenak, Bobby Nervesen ahots zorrotza eta intentsitatea nabari dira lan osoan. Baina taldearen puntu kurioso bat ere bada bere punk-rock garajeroak power pop kutsua duela. Igo bolumena eta jaiki dantzara!
