Aurtengo Donostia Hiria Kutxa sarien bi irabazleen lanak argitaratu ditu Alberdaniak. Arrate Egañaren Egia antzerki lana eta Mikel Zubeldiaren Marlboro gizona eta beste bi ipuin liburua otsailean saritu zituzten, eta jada salgai jarri dituzte.
Egañaren lehen antzerki lana da Egia. Komunikazio tresna berrien arriskuez dihardu saritutako lanean. Daniel Landart Donostia Hiria Kutxa sarietako epaimahaiko bozeramaileak hitzaurrea egin dio antzerki lanari.
Zubeldiak ipuingintzan ikusten du bere burua, eta beste bi ipuin berri gehitu dizkio Marlboro gizona liburuari. Zubeldiaren esanetan, ipuinak maskulinitatearen arketipoa zalantzan jartzen du. Miren Azkarate Donostia Hiriko Kutxa sarietako epaimahaiko bozeramaileak lanaren «estilo jasoa» nabarmendu du liburuari egindako hitzaurrean.
Aurtengo Donostia Hiria Kutxa saridunen lanak argitaratu dituzte
Arrate Egañaren 'Egia' eta Mikel Zubeldiaren 'Marlboro gizona eta beste bi ipuin' salgai jarri ditu Alberdaniak
Iruzkinak
Ez dago iruzkinik
Ordenatu
