Aurkezpen lanaren pilulak

Bere lehen iraupen luzeko lana aurkezten ari da Maren abeslaria (Gallarta, Bizkaia, 2002): Margaritas y Lavanda. 17 urte besterik ez dituen arren, entzuleen arreta bereganatu du doinu elektronikoak eta pop rock intimista bat uztartzen dituzten kantuen bitartez; konfinamendu garaian argitaratu zituen Fotosíntesis eta Te invito a mi piscina (para matarte) dira horren adibide. Aleka, kantuz kantu, ari da lan berria aurkezten, hain zuzen ere, eta La estacio?n espacial de Teruel da ezagutarazi duen aurrerapen pieza berria; doinu dantzagarriak testu zaindu eta kementsuekin uztartzen dituen abesti bat da.

Marenek 2018an kaleratu zuen bere lehen diskoa: Alguien sin vergüenza. Euskaraz, ingelesez eta gaztelaniaz idatzitako bost kantu biltzen zituen lanak. Bartzelonako 48 Volts estudioan grabatu zuen diskoa, John Caballesen gidaritzapean. Hura arduratu da lan berria ekoizteaz ere.