ASKOREN ARTEAN
'Refused. The Shape Of Punk To Come Obliterated'
Diskoetxea: Epitaph.
Oso Refused zalea naiz, ezagutzen nautenek badakite nire talde kutunetako bat dela, eta, horregatik, tentuz hartu dut haien disko izugarriaren bertsioen argitaratzea. Gogotsu eta beldur puntu batekin, punk eta hardcore eszenako beste taldeek nola moldatuko ote zituzten abesti bikain horiek, ze iruditzen zait bertsio bat kantua norberaren eremura eramatea dela. Ba, bete-betean asmatu dute. Egia da abesti horiek beste genero batzuetan entzutea pixka bat arraroa egiten dela, baina puntako taldeak biltzen ditu 1998an argitaratutako haren tributo disko honek, eta halako moldaketak egin dituzte, bakoitzak berera eramanda, baina abesti guztien nortasuna mantenduz. Bilduma berezi eta aparta ondu dute.
