Antxiñe Mendizabal eta Jasone Osoro daude Liburu Gaztea 2010-2011 sariaren irabazleen artean

Liburu Gaztea saria da Galtzagorrik urtero antolatzen duen ekimenetako bat, kasu honetan Gipuzkoako Foru Aldundiaren laguntzaz. Gipuzkoako DBHko ikasleek hautatzen dituzte irabazleak, beren irakurketen artean. Liburu Gaztea 2010-2011 saria —2009an argitaratutako liburuen artean banatua— honako liburu hauek irabazi dute, DBH1, DBH2, DBH3 eta DBH4 kategorietan hurrenez hurren: Antxiñe Mendizabalen Nire amak ez dauka erremediorik (Elkar), Jasone Osororen Ezekiel (Elkar), Josep Sampereren Ate atzeko zuloa (Antton Olanok itzulia, Erein) eta Suzanne Collinsek Gose jokoak (Koro Navarrok itzulia, Alberdania).