Antonio Carvajal poetarekin solasaldia, bihar, Donostian

Literatura jardunaldiak egingo dira Donostian, gaur eta bihar. Lehen ekitaldian, gaur, Viktoria Eugeniako klubean, musikaz lagundutako poesia errezitaldia egingo dute Harkaitz Canok, Antonio Carvajalek, Ekhine Egigurenek, Izaskun Graciak eta Luis Gardek, eta Jon Makusok biolina joko du. Carvajal, 2008ko poesiaren arloko Espainiako Sari Nazionalaren irabazlea, irakurleekin solastuko da bihar. Bi ekitaldiak 19:30ean hasiko dira. Jardunaldien harira, urtero bezala manifestu bat kaleratu dute Aritz Gorrotxategi, Felipe Juaristi, Juan Ramon Makuso eta Peio Otxoteko poetek (www.pentsamenduarenpoesia.blogspot.com.es).