'Ane'-k irabazi du 37. Euskal Zinemaren asteko sari nagusia

ZINEMA. Vital fundazioak antolatzen du Euskal Zinemaren Astea, eta aurten David Perez Sañudoren Ane lanak irabazi du film onenaren saria. Film laburrik onenaren saria, berriz, Estibaliz Urresolaren Polvo Somos (Hautsa gara) lanarentzat izan da. Saio guztietan goraino bete dira aretoak —edukiera murriztuarekin—, eta antolatzaileek txalotu egin dute harrera on hori.