Voilaaa

Bruno Patchworks Hovart Lyongo ekoizle eta DJa dago Voilaaa izenaren atzean. Disko eta funk musikek musika afro eta Karibekoekin gurutzatzen diren esparru hori du maite, eta 70-80ko hamarkadetako generoaren harribitxiak berrirakurtzen ditu hainbat musikariren laguntzaz: Pat Kalla, David Walters, Ayunee Sule, besteak beste. Hauxe du laugarren lan luzea, eta berriro ere dantzarako espeziala gertatzen den kantu bilduma ondu du, generoaren gakoak errespetatuz, baina errazkeria eta topikoak saihestuz. Edo hala iruditu zaigu guri. Oinak gustura astintzeko espeziala.