De Temps Antan
Zazpigarren diskoa du Quebeceko hirukoak, eta bertako herri-musikaren esparrua lantzen jarraitzen dute, nahiz eta horretarako ikuspegi propioa —oso propioa— erabili. Ziurrenik, Quebeceko musika aipatzean La Bottine Souriante edo Le Vent Du Nord taldeak etortzen zaizkio burura jendeari, hango talderik ezagunenak baitira munduan zehar —herri musikaz ari bagara—, eta egia da iturri beretik edaten duela, enbor beretik datorrela, De Temps Antan ere. Baina haien proposamenari askoz ere indar handiagoa dario, eta hori aukeratu duten gordintasun akustikoari zor diote: zapatak, soinu diatonikoa eta gitarra aski dira kantu benetan kitzikagarriak egiteko. Ez espero sofistikaziorik edo supertalderik, hirukoak emango dizuna proposamen zuzena eta oinarrizkoa baita. Hortxe du baliorik handiena disko honek.
