marcelo D2 & sambadrive
'Direct-to-Disc'
Diskoetxea. Night Dreamer.
Planet Hemp taldearekin egin zen ezagun, 90eko hamarkadaren erdialdean, gerora hip-hop brasildarraren izenik ezagunenetakoa bilakatuko zena, Marcelo D2. Berez, arrakastaren atea A Procura da Batida Perfeita (2003) diskoarekin zabaldu zuen. Haren erakargarri nagusia sanba doinuen eta hip-hop erritmoen arteko uztarketan zetzan, eta azpimarratu daiteke joera horren aitzindari izan zela Rio de Janeirokoa. Bide horri beste buelta bat ematen dio Sambadrive taldearekin kaleratu berri duen disko honetan, non bere ibilbideko kanturik esanguratsuenetakoen bertsioak egin dituen, baina 70eko hamarkadan hain indarrean egon zen sanba-jazz estiloan, eta ez, bidean ez du galdu hip-hoparen ezaugarririk.
