Lehengo batean, telebistan, galdera egin zioten itsu gelditutako Maialen Solaun neskatilari, gogoratzen al zituen munduko gauzak, eta berak erantzun zuen batzuk ahazten ari zitzaizkiola, «esate baterako errektangelua, ia ez dakit nolakoa den».
Hasier Etxeberria hil dela jakin orduko neskatilaren erantzuna etorri zait gogora. Euskal kulturari zegokionez errektangelu bat zen bera, gure puzzleko pieza sendo eta seguru bat, edozer eraikitzeko unean oinarria eskaintzen zuena. Gainera, ahots bat zuen, hizkera nahastezina. Artista eta idazleek, beti kolokan, hutsunea sumatuko dugu orain.
Ahaztu egiten da ikusten ez dena. Errektangelua nolakoa den ere bai. Ez dezagun ahaztu Hasier Etxeberria eta berak egindako lana.
Hasier Etxeberria hil da. IRITZIA
Errektangelua
Iruzkinak
Ez dago iruzkinik
Ordenatu
