AMODIOZKO GUTUNA

Printzesa urrun baten izena duzu, Eutanasia,
baina nik hurbilago nahi zintuzket,
maite-maite baitzaitut,
eta ez baitut burutik baztertzen
zu neure egitea noizbait, edo ni zeure, hobeki…

Zu, Eutanasia, ene azken orduko esperantza;
zu, ene azken hatsa;
zu, ene Buda errukibera;
zu, ene balizko sufrimenduen
aringarri;
zu, ene maitaleen maitale.

Barkatu atrebentzia, hurrengoan Eutanaxi deitzen badizut…

Joan Mari Irigoien