Alberdi, Agirre, Ladron Arana, Zubeldia eta Urdinaga hautatu ditu 111 Akademiak

LITERATURA. Urte osoko literatur uztako bost ale apartatu ditu 111 Akademiak iazko libururik onena saritzeko. Alaine Agirreren Bi aldiz erditu zinen nitaz, ama, Maddi Zubeldiaren Deserria haurtzaro, Alberto Ladron Aranaren Jainkoen zigorra, Uxue Alberdiren Jenisjoplin eta Iñigo Urdinagaren Surflaria eta paradisua liburuak pasatu dira bigarren bueltara. Baten batek botoen %40 lortuz gero, harexek jasoko luke saria; bestela, boto gehien lorturiko biren artean izango da finala.