Mirari Martiarenak aurkeztuko du 'Hitzetik hortzera' saioa

Mirari Martiarena. SINA.
urtzi urkizu
Donostia
2023ko irailaren 16a
00:00
Entzun 00:00:0000:00:00
ETB1eko Hitzetik hortzera bertsolaritza saioak gaur hasiko du denboraldia, 21:00etan. Ikasturte honetan 26 atal egingo dituzte, eta martxoaren 30ean amaituko dute. Atal horien aurkezlea Mirari Martiarena izango da —Eider Perezen erreleboa hartuko du—. Iaztik saioko gidoilari lanetan ari da Martiarena, eta ETBko hainbat programatan aritu da gidoilari gisa lehendik ere. Oiartzungo (Gipuzkoa) bertso eskolako partaidea ere bada Martiarena.

Bertsolaritza programako iruditeria berritu egin dute: Unai Gaztelumendik egin du saiorako grafismo berri guztia.

Astero gonbidatu bat elkarrizketatuko du Martiarenak —bertsolaria edo bertsozalea izan daiteke—. Gaur, adibidez, Ilaski Serrano elkarrizketatuko du. Bestetik, abendura bitartean, zazpi bertso sorta musikatu emango ditu saioak.
Iruzkinak
Ez dago iruzkinik

Ordenatu
0/500
Interesgarria izango zaizu
Nabarmenduak
Kazetaritza propio eta independentearen alde, 2025 amaierarako 3.000 irakurleren babes ekonomikoa behar du BERRIAk.