'Kazeta.info' diru laguntza gabe utzi du Frantziak

INTERNET. Euskarazko Kazeta.info atariari eta okzitanierazko La Sematna aldizkariari ukatu egin diete prentsa digitalak jasotzen duen diru laguntza publikoa. La Sematna-k ez du dirurik jasoko Comission Parotaire de la Presse et des Agences de Presseren (CPPAP) eskutik, okzitanieraz soilik jarduten duelako. Euskaraz soilik jarduten duenez, halaber, CPPAP batzordeak esan du Kazeta.info ez dela «informazio politikoa eta gai orokorrak zabaltzen dituen hedabide bat». Kazeta.info-k onartezintzat jo du erabakia. Horregatik, Iparla Baigura elkarteak kexa agertu du Parisen, Kultura Ministerioko Hizkuntza Frantsesaren, Frantziako Hizkuntzen Ordezkaritzaren eta SPIL Internet Bidezko Hedabideen Sindikatu Independentearen aitzinean.