Donostian egin zuten iaz Midas Eremu Urriko eta Eskualdeko Hizkuntzetan Argitaratzen diren Egunkarien Europako Elkartearen urteko batzarra, eta Errumanian egin dute aurtengoa, gaur, Transilvanian, hungarierazko Hargita Népe egunkariak antolatuta —Errumania izan arren, Transilvanian herritarren %80k hungarieraz egiten dute—.
Galiziako Nós Diario egunkariak eskaera egina zeukan Midasen sartzeko, eta aho batez onartu dute gaur. Ondorioz, 28 kide ditu jada elkarte horrek.
Eremu urriko hizkuntzetan eta hizkuntza gutxituetan diharduten hedabideen interesak defendatzea da Midas elkartearen helburua.
