Bilboko euskal komunikabideak biltzen dituen Uriola.info plataforma aurkeztuko dute bihar, 19:00etan Bilboko Kafe Antzokian. Mota guztietako gaur-gaurko gaien berri emateko sortu dute Uriola.info: kirola, ekonomia, kultura,politika eta baita udal gaien inguruko informazioa ere. Horrez gain, Bilboko eta inguruko jaien berri ere emango du.
Lanean hasia da, eta, besteak beste, hainbat zerbitzu eskaintzen ditu Uriola.info-k, horien artean: agenda, eguraldia, iragarkiak, zorion agurrak eta eskelak jartzeko aukera emango du. Twitter eta Facebook bitartez ere kasu egin ahal izango zaio Bilboko euskal komunikabideak biltzen dituen plataformari.
Komunitatea
Bilboko euskarazko hedabide bakoitzak argitaratutako informazioa ikusi ahal izango da Uriola.infon. Besteak beste, Bizkaia rratiak, Gabriel Aresti euskaltegiak, Zenbat gara elkarteak, Berbaizu Euskara Elkarteak eta beste hainbat komunikabidek hartzen dute parte plataforma horretan. Gainera, Bilbo eta inguruetako hainbat herritako informazioa eman nahi dute, herriz herri sailkatuta.
Komunikazioa
Euskarazko 'Uriola.info' plataforma aurkeztuko dute Bilbon, bihar
Bilboko euskara hutsezko komunikabideak biltzen ditu plataformak
Iruzkinak
Ez dago iruzkinik
Ordenatu
