Euskal kazetaritzaz mintzatuko dira gaur Baionan

Bagira prozesuaren transmisio historikoaren harira antolatu dituzten ekitaldien artean, gaur euskal kazetaritzaren azken 60 urteetako bilakaera aztertuko dute mahai inguru batean. Baionako Etxepare lizeoan izango da eztabaida, 20:00etan. Solaskideak honako hauek izango dira: Pantxika Maitia Kanaldudeko kazetaria, Goizeder Taberna Mediabask hedabideko erredaktore burua, Martxelo Otamendi BERRIAko zuzendaria, Jojo Bidart Irulegiko Irratiko (Nafarroa Beherea) sortzaile eta esataria, eta Bixente Vrignon France Bleu irratiko kazetaria. Iparraldeko mugimendu abertzaleak 60 urte beteko ditu aurten, eta Bagira izeneko prozesua abiatu dute askotariko ekitaldiak antolatuz. Horietako bat izango da gaur iluntzekoa.