Joan den larunbatean, Naiz irratiak Kontatzera noazu saioa estreinatu zuen. Bertsolaritzari tartea egingo diote programa horretan astero, Eli Pagolaren eskutik. Bertsolaria izateaz gain, Pagolak krisi ekosozialari buruzko Gelditu makinak irratsaioa gidatzen du irrati berean —hirugarren denboraldian da jada—.
Kontatzera noazu-k ez du beti formatu bera izango. Batzuetan, gai bati eskainitako atalak prestatuko ditu Pagolak, Bertsozale elkartearen artxiboa baliatuta. Beste batzuetan, gonbidatuak eramango ditu programara; esate baterako, lehen atalean Maddi Etxeberria nutrizionista elkarrizketatu zuen, bertso munduarekin duen loturaz. Era berean, doinuen aukeraketan «ahalegin berezia» egingo du esatariak.
Eli Pagola bertsolaritzari buruzko saio bat egiten hasi da Naiz irratian
Iruzkinak
Ez dago iruzkinik
Ordenatu
