Berasategi, Eusko Labeleko produktuei so

ETB2 kateak Un país en la Kazuela dokumental saioa estreinatuko du bihar (20:30). Martin Berasategi sukaldari gipuzkoarrak gidatuko du programa, eta atal bakoitzean Eusko Labeleko bi produktu aztertuko dituzte. Sei atal izango dira guztira.

Programa bakoitzean Eusko Labaleko produktuak lantzen diren herrietara joko dute, eta Berasategik errezeta berri bat prestatuko du lehengai horiekin. Sukaldariak ohiko prestaketari buelta bat emango dio, prestatzeko bide berriak erakutsiz. «Sukaldean ibiltzen disfrutatuko dugu, hamahiru produktu bikainekin», dio Berasategik. Aurreneko atalaren izenburua honakoa da: Solomillo Euskal Okela asado con terrina de patata y tocino ibérico.