Aritz Ganboak 'Geltokia' saioa aurkeztuko du Hamaika telebistan

Aritz Ganboa. HAMAIKA.
urtzi urkizu
2023ko martxoaren 26a
00:00
Entzun 00:00:0000:00:00
Hamaika telebistak Geltokia saioa estreinatuko du etzi, 22:00etan. Ekonomia soziala, garapen jasangarria eta ekologia izango dira programa berri horren funtsezko ardatzak. Ikus-entzuleei tresnak eta informazioa modu «informal» eta «gertukoan» ematen saiatuko dira Hamaikaren Iruñeko lantaldekoak, eta herritarrei Nafarroako askotariko proiektuak ezagutaraziko dizkiete.


Aritz Ganboa artzainak aurkeztuko du saioa asteartero —atal bakoitzak ordu erdi eskas iraungo du, eta denboraldiak hamasei atal izango ditu—. Ganboa Iruñeko geltoki zaharretik abiatuko da astero, eta iritzi trukean arituko da gonbidatu batekin. Erreportajeak eta errezetak ere tartekatuko dituzte. Koldo Garciarekin prestatuko dituzte errezetak.
Iruzkinak
Ez dago iruzkinik

Ordenatu
0/500
Interesgarria izango zaizu
Nabarmenduak
Kazetaritza propio eta independentearen alde, 2025 amaierarako 3.000 irakurleren babes ekonomikoa behar du BERRIAk.