Euskal Telebistako bigarren kateak Alégrame el día lehiaketa «entretenigarria» estrenatuko du. Iñigo Iraultza Rico aktore eta showman izango da saioaren aurkezlea. Kamera sorbalda gainean hartuta, «edozeini eguna alaitzeko helburuarekin»,kalera irtengo da bertan topatutako jendea harritzeko, dibertitzeko eta saritzeko asmoz. Lehiakideek hainbat erronka gainditu beharko dituzte Ricorekin negoziatutako diru kopurua eskuratzeko.
Edonon egingo dituzte probak lehiakideek; botika batean, supermerkatuan, kalean zein hondartzan, eta edozer gauza egiteko prest egon beharko dira; kalean egiten duen tenperatura asmatu, begiak itxita dituztela beste sexu bateko pertsona baten adina asmatu, eta 45 tamainako oinetaka duen pertsona bat topatu, besteak beste.
Sare sozialen bidez saioarekinzuzeneko harremana edukiko dute jarraitzeleek; grabazioak egiteko herri edo lekuak proposatu ahal izango dituzte, lehiaketan parte hartzeko izena emateko aukera eta erronka berriak proposatu ahal izango dituzte, besteak beste. «Freskotasun eta naturaltasun handiko» saioa izango da, ETBtik iragarri duten arabera.
Komunikazioa
'Alégrame el día' lehiaketa «dibertigarria» estreinatuko du aurki ETB2k
Proba dibertigarriak egingo dituzte lehiakideek, «edonori eguna alaitzeko» asmoarekin
Iruzkinak
Ez dago iruzkinik
Ordenatu
