Xabi Alonso: «Ez da egia Realeko entrenatzaile izatea eskaini didatenik»

FUTBOLA. Xabi Alonsok ez du Realean jarraituko, eta agerraldia egin zuen atzo, gaur Reala B-k Zaragozaren aurka Anoetan (21:00) jokatuko duen Bigarren Mailako azkeneko partida dela eta. Ukatu egin zuen egunotan zabaldutakoa: «Ez da egia Reala entrenatzeko aukera eskaini didatenik». Nabarmendu egin zuen Jokin Aperribairen, Roberto Olaberen eta Imanolen lana, eta ez du baztertu noizbait itzultzea.