TXIRRINDULARITZA.Marianne Vosek (Jumbo-Visma) irabazi zuen atzo Frantziako Tourreko bigarren etapa. Maillot horia ere eskuratu zuen Danimarkako txirrindulariak. Esprintean amaitzeko aproposa zen atzokoa, baina hogei kilometro gelditzen zirenean sortutako mugimendu batek taldetxo bat eraman zuen garaipenagatik lehiatzera. Silvia Perisco (Valcar) izan zen bigarren, eta Katarzyna Niewiadoma (Canyon) hirugarren.
Tentsio handia egon zen etapa osoan, eta erorikoak ere izan ziren azkeneko kilometroetan. Horiek horrela, txirrindularien arteko lehenen aldeak zabaldu egin dira sailkapen nagusian, eta gaur mugimenduak ikusteko aukera izango da amaierako igoeretan.
Bestalde, Simon Yates (BikeExchange) gailendu zen atzo Ordiziako Klasikoan. 11 kilometro gelditzen zirela, ihes egin zuen Abaltzisketan gora, eta tropelak ezin izan zuen harrapatu. 2016an nagusitu eta gero, bigarren aldiz irabazi du.
Vosek irabazi du Tourreko 2. etapa, eta lider jarri da
Iruzkinak
Ez dago iruzkinik
Ordenatu
