Voeckler irabazle

Thomas Voecklerrek irabazi du gaur arratsaldean Frantziako Tourreko bosgarren etapa: Le Cap d'Agde-Perpinya (196,5 kilometro).

Bigarren postua Mikhail Ignatieventzat izan da, lehenengo sailkatutik 7 segundora iritsi da. Mark Cavendish hirugarren helmugaratu da (7ra).

Fabian Cancellarak segitzen du lider. Lehen egunean lortu zuen maillot horia.

Bihar korrituko dute itzuliko seigarren etapa: Girona-Bartzelona (181,5 kilometro). Hirugarren mailako bi mendate izango dituzte eta laugarren mailako hiru.