Txus Bidorreta «pozik», Iurbentiak egindako sasoiarekin

Txus Bidorreta Iurbentiako entrenatzailea hedabideen aurrean mintzatu zen atzo, bukatu berri den denboraldiaren balorazioa egiteko. Bidorreta «pozik» dago jokalariek egindako sasoiarekin, eta hurrengoan ere «goranzko» joerari eutsi behar zaiola nabarmendu zuen.

Hilabeteak pasatu ahala, partidak jokatu ahala, gorantz egin du Iurbentiak sasoi honetan, eta hori goraipatu zuen Bidorretak. Gainera, hasieran jarritako helburuetako bi bete dituzte: «Europako lehiaketan itxura ona ematea eta titulurako kanporaketak jokatzea». Lucas Reckerrek ez du taldean jarraituko, eta Paco Vazquezekin negoziatzen ari dira kontratua luzatzeko.