Altuna III.a 22-6 Zubizarreta

Altuna III.a finalerdietara, sasoi betean

Zortzi tanto egitea nahikoa zuen, baina 22-6 irabazi dio Zubizarretari. Laso, Etxeberria eta Jakarekin batera izango da finalerdietan.

Jokin Altuna, pilota jotzen. JAIZKI FONTANEDA / FOKU
Jokin Altuna, pilota jotzen. JAIZKI FONTANEDA / FOKU
Paulo Ostolaza.
2024ko azaroaren 3a
21:05
Entzun 00:00:0000:00:00

Ez da jolasean ibili Jokin Altuna. Eskura zuen lau eta erdiko txapelketako finalerdietarako sailkatzea: gaurko partidan zortzi tanto egitea nahikoa zuen, eta hamahirurekin lehen postua ere ziurtatua zuen. Hasieratik, ordea, argi utzi du irabaztera atera dela kantxara, eta 22-6 irabazi dio Iraitz Zubizarretari.

Azkar ezarri du 13-1ekoa Donostiako Atano III.a pilotalekuko markagailuan. Ezinean aritu da Zubizarreta, eta sasoi betean dagoela erakutsi du Amezketakoak. Bada inoiz baino hobeto dagoela dioenik ere.

Datorren asteburuan bertan erakutsi beharko du berriro, finalerdiak astebete barru jokatuko baitira, Iruñeko Labrit pilotalekuan eta Eibarko (Gipuzkoa) Astelenan. Lasoren aurka jokatuko du Altunak, eta beste finalerdian Peio Etxeberria eta Erik Jaka izango dira aurrez aurre. 

Iruzkinak
Ez dago iruzkinik

Ordenatu
0/500
Interesgarria izango zaizu
Nabarmenduak
Kazetaritza propio eta independentearen alde, 2025 amaierarako 3.000 irakurleren babes ekonomikoa behar du BERRIAk.