Sancet agertu da berriz

Athleticek bigarren garaipena kateatu du ligan, atzo Valentziari 1-2 irabazi eta gero. Aurreko jardunaldian bezala, Oihan Sancet izan zen partidako protagonista. Hark sartu zuen zuri-gorriei garaipena eman zien gola, 71. minutuan, eta jada zortzi daramatza sasoi honetan. Valverderen taldeak buelta eman behar izan zion neurketari, Valentzia 1-0 jarri baitzen aurretik, Castillejoren gol bati esker (17. min.). Handik 13 minutura egin zuen berdinketa Nico WIilliamsek, bere abiadura baliatuz. Athleticek ez zuen partida ona egin, ez baitzuen kontrola izan.