San Antoniok Guadalajara hartuko du gaur

ESKUBALOIA. Amaya Sport San Antoniok Asobal ligako 26. jardunaldiko partida jokatuko du gaur NUPeko pabiloian, Guadalajararen aurka (20:30). Iruñeko taldeak Europako Errekopako finalerdietako joanekoa du larunbatean, eta horregatik ariko da gaur. Nafarrek ez lukete arazorik izan behar gaur irabazteko, talde apalagoa izateaz gain, Guadalajarak jokalari asko baititu min hartuta.