Salsamendi-Orbegozo, Plazaz Plazako txapeldun

Laia Salsamendik eta Oihana Orbegozok merezimendu osoz jantzi dute Plazaz Plaza torneoko txapela. Atzo jokatu zuten finala, Maite Ruiz de Larramendi eta Andrea Aldaregiaren aurka, eta 22-12 nagusitu zitzaizkien. Galtzaileak hobeto hasi ziren, baina ez zuten erakutsi haiengan ohikoa den sendotasuna, eta horrek baldintzatu zuen finala. Partida Leitzako plazan jokatu zen, ikusle askorekin eta giro bikainean.