Realak Espainiako Kopako final-laurdenak jokatuko ditu. Txuri-urdinek gaur jokatu dute final-zortzirenetako kanporaketa eta Emmak sartu du garaipenaren gola.
Zubietan jokatu da partida. Cecilia Marcosek ezin izan du jokatu, atzoko entrenamenduan buruan kolpe bat hartu ostean. Lete, Vanegas, Apari, Amaiur, Andreia, Izagirre, Lucia, Pardo, Emma, Cahynova eta Labogez zelairatu dira partida hasieran.
Lehen zatia golik gabe amaitu da Zubietan, baina bigarrena hasi eta berehala sartu du Emmak gola, pentsatu gabe errematatu eta baloia sareratuz.
⚽️⚽️pic.twitter.com/o3CcSaortb
— Real Sociedad Femenino (@RealSociedadFEM) December 22, 2024
63. minutuan txartel horia atera dio epaileak Emmaria berari, eta handik gutxira Izarne sartu da bere ordez zelaian. Guridi, Quiles eta Lorena ere zelairatu dira ondoren. Epaileak bost minutuz luzatu du partida, baina 0-1 amaitu da partida.
Athleticen partidan, berriz, luzapenean erabaki da kanporaketa. Cacereñoren aurka jokatu dute zuri-gorriek eta bana zihoazen partida amaitzear zela. Espainiako taldeak, ordea, 93. minutuan sartu du gola.
Hasi bezala amaitu da partida, beraz. Izan ere, Cacereño hirugarren minutuan aurreratu da. Athleticek 24. minutuan berdindu du partida, penaltiz. Amezagak sartu du gola. Hori, ordea, ez da nahikoa izan Espainiako Kopan aurrera egiteko.
