Oso erritmo onean ari dira saltzen hilaren 26ko binakako finalerako sarrerak

PILOTA. Salgai jarri eta gehientsuenak saldu. Atzo jarri zituzten salgai apirilaren 26an Berasaluze II.ak eta Zubietak Bengoetxea VI.a eta Untoriaren aurka Bilboko Bizkaia pilotalekuan jokatuko duten Binakako Txapelketako finalerako sarrerak. 40 eta 120 euro artekoak dira sarrerak, eta atzo arratsaldean 400 bat geratzen ziren saltzeko. Amaitu artean, www.aspepelota.com eta www.asegarce.com webguneetan eskuratu ahal izango dira sarrerak.