Oscar Rodriguez Astana taldean ariko da datozen bi denboraldietan

TXIRRINDULARITZA. Euskadi-Muriasen ari diren txirrindulariak libre dira edozein taldera joateko. Eta horretan ari dira. Oscar Rodriguez, adibidez, Astanan ariko da datozen bi denboraldietan. Astanak fitxatu duen bigarren euskal txirrindularia da, Alex Aranbururen atzetik (Caja Rural). Astanak euskal kutsu handia du, lau euskal txirrindulari baititu: Gorka eta Ion Izagirre, Omar Fraile eta Pello Bilbao. Horiez gain, Aritz Arberas prestatzaile fisikoa, Javier Manero mekanikaria eta Iban Belasko teknikaria ari dira lanean taldean.