Osasunak Adrian Lopez fitxatu du, udan taldera iritsi den hirugarren aurrelaria

FUTBOLA. Osasunak Adrian Lopez 31 urteko aurrelari espainiarra fitxatu du urte baterako. Gorritxoek ez dute ezer ordaindu haren truke, Portorekin zuen kontratua ekainean bukatu zitzaiolako. Portugalgo taldean ez du zorterik izan. Iragan sasoian ligako 11 partida jokatu zituen eta gol bakarra sartu zuen. Gaur, bestalde, Realak eta Alavesek lagunarteko partida jokatuko dute, 19:00etan, Zubietan. Realeko bazkideek sarrera dohainik izango dute.