Espainiako Ligako Lehen Mailak asteburu bikaina utzi die Hego Euskal Herriko hiru taldeei. Larunbatean Realak 2-0 irabazi ondoren (9. postuan da, 28 punturekin), atzo Osasunak eta Athleticek ere hiru puntu irabazi zituzten, Madrilgo bi talde nagusien aurka.
Osasunak Camuñasen gol bati esker irabazi zion Nafarroko Erresuman Real Madrili, eta denboraldiko ezuste handienetako bat eman du. Madrilgo taldea orain Bartzelonatik zazpi puntura dago, eta, askoren ustez, agur esan dio Ligari. Jaitsieratik hiru puntura dago orain Osasuna.
Athleticek Atletico Madril hartu zuen mendean, Toqueroren bi golei esker. Aurrelariak bederatzi hilabete geroago sartu du gola, garai ezin erabakigarriagoan, Fernando Llorentek atzo penaltia huts egin ondoren. Hiru puntu horiekin, seigarren postuan egonkortu da Athletic, zazpigarrenetik bost puntura.
Futbola
Osasuna eta Athletic ere, garaile
Iruñeko taldeak 1-0 irabazi zion atzo Real Madrili, eta Bartzelonatik zazpi puntura urrundu du. Bilbokoa 0-2 gailendu zitzaion Atletico Madrili, Toqueroren bi golekin.
Iruzkinak
Ez dago iruzkinik
Ordenatu
