Orlandok eta Houstonek hirunakoa lortu dute

Orlando Magicek eta Houston Rocketsek ez dute etsi NBAn eta bart hirunakoa lortu dute iazko finalisten aurkako kanporaketetan: Boston Celticsen eta Los Angeles Lakersen aurka, hurrenez hurren. Hurrena irabazten duena, aurrera.

Orlandok 83-75 hartu du mendean Ekialdeko finalerdiko seigarren partidan. Dwight Howard pibota izan da talde irabazleko jokalaririk onena: 23 puntu eta 22 errebote. Bostonekoa, Rajon Rondo basea: 19 puntu, 16 errebote eta sei asistentzia. Cleveland Cavaliers Ekialdeko finalera sailkatuta dago.

Houstonek 95-80 irabazi du Mendebaldeko finalerdiko partidan. Aaron Brooks izan da Houstoneko jokalaririk onena: 26 puntu. Luis Scola pibotak ere bikain jokatu du: 24 puntu eta 12 errebote. Lakerseko onenak: Kobe Bryant hegala (32 puntu) eta Pau Gasol pibota (14 puntu eta 11 errebote). Denver Nuggets dago zain multzoko finalean.