Ordiziak azken unean irabazi du Donostian

ERRUGBIA. 80. minutuan lortutako entseguari esker irabazi zuen atzo Ampo Ordiziak Pegamo Bera Beraren aurka, 25-32. Donostiarrek lehen zati bikaina egin zuten, eta 19-7 joan ziren atsedenaldira. Baina ordiziarrak partida iraultzeko gai izan ziren. Lau entsegurekin, erasoko puntua ere eskuratu zuten, eta liga irabazteko borrokan jarraitzen dute. Gaur Bizkaia Gernikak jokatuko du, Valentzian (12:30).