Olasagastiri ebakuntza egin diote, ezker eskuan izandako zauriak osatzeko

AIZKORA. Joxemari Olasagastik istripu larria izan zuen herenegun, etxean enbor batzuk prestatzen ari zela motozerrak salto egin eta ezker besoa harrapatu ostean. Atzo egin zioten ebakuntza zauriak osatzeko, eta, medikuen arabera, eskuko mugikortasuna berreskuratuko du. Igeldoko aizkolaria baikor da, eta agindu du besoa zainduko duela hurrengo hilabeteetan. Lesioaren ondorioz, Olasagastik ezingo ditu indarrak neurtu Aitzol Atutxarekin otsailean egitekoa zen apustuan.