Obenasak ez dio denboraldiari agur esan nahi. Lehiatzen jarraitu nahi du, historia egiten. Atzo beste mugarri bat lortu zuen, final-laurdenetako hirugarren partida erabakigarria behartuta. Iruñeko taldeak 78-73 irabazi zion Gironari Arrosadia pabiloian, eta horri esker, datorren asteazkenean aukera izango du finalerdietarako sailkatzeko. Gironan jokatuko da partida, Herrialde Katalanetan (20:30).
Obenasa luzapenean nagusitu zitzaion Gironari, arauzko denbora 67koarekin amaitu ostean. Horrek agerian uzten du kantxan izandako parekotasuna. Bi taldeek izan zuten aukera irabazteko, eta luzapenean, etxekoak hobeto aritu ziren. Taldeko lana izan zen Ruben Lorentek entrenatutako taldearen makulua. Lau jokalarik gainditu zuten hamar punturen langa: Arguellok hemezortzi puntu lortu zituen, Revueltok hamabost, Herrerak hamahiru eta Sotiriuk 11. Maria Asurmendiren gidaritza ere nabarmendu zen.
Obenasak etxean irabazi du, eta hirugarren partida behartu
Iruñeko taldeak 78-73 hartu du mendean Girona, eta datorren asteazkenean jokatuko du partida erabakigarria
Iruzkinak
Ez dago iruzkinik
Ordenatu
