Nene eta Jaime, fitxatu berriak, aurkeztu dituzte

Iaz Eibarrek eginikoa hobetu nahi dutela esan zuten, atzo, Jaime eta Nenek, Eibarrek egindako azken fitxaketek: «Beti oinak lurrean izanik, salbaziorako 50 puntuak lortzea izango da lehen helburua, baina hori lortuta, gora jo beharko genukeela uste dugu». Aurreko urtean, «igotzea posible dela» erakutsi zuten jokalariak «inguruan edukita», gauzak errazago ikusten direla esan zuten. Nene Terrassatik etorri da eta Jaime, berriz, Salamankatik. Azken hau lehen mailan aritu zen Oviedorekin.