Segurako (Gipuzkoa) Baratze frontoia leporaino bete da gaur, Binakako Txapelketako lehen jardunaldian. Han elkartutakoek neurketa luzea eta lehiatua ikusi dute, eta, azkenean, Peña II.a eta Albisuren garaipena (19-22) ere bai. Partida hiru laurdenetan markagailuan atzetik izan dira, baina garaiz erreakzionatu dute, eta hobeak izan dira azken tantoetan.
Artola eta Imaz 15-11 aurreratu dira. Artolak konfiantzarekin dabilela erakutsi du, eta fin ibili da tantoak amaitzean. Azken tantoetan, ordea, Albisu nagusitu eginda atzeko koadroetan, eta Peñaren bi gantxo erabakigarriak izan dira. Azken lau tantoak jarraian egin dituzte urdinek.
Ikusi gehiago
