Larunbateko finalerako prest daude Iker Salaberria eta Jon Alberdi

PILOTA. Larunbatean jokatuko dute Promozio Mailako Buruz Buruko finala, Iruñean, Labriten (17:15, ETB1). Jon Alberdi Baikoko aurrelari azpeitiarra eta Iker Salaberria Aspeko aurrelari goizuetarra ariko dira. Biek lehen finala dute buruz buru. Final-laurdenetako ligaxkan, elkarren aurka jokatu zuten, Zumaian (Gipuzkoa), eta Alberdik irabazi zuen: 22-16. Atzo aukeratu zituzten pilotak. Gustura azaldu ziren.