Kris Boeckmans belgikarrak irabazi du Le Samyn klasikoa, esprintean

TXIRRINDULARITZA. Azken zuzengunean erabaki zen atzo Belgikan jokatutako Le Samyn klasikoa, eta azken metro horietan etxeko txirrindulari bat nagusitu zen: Kris Boeckmans (Lotto-Soudal). Belgikarra izan zen indartsuena harbidez betetako ibilbide gogorrean. Haren herrikide Gianni Meersman (Ettix-Quick Step) eta Christophe Laporte frantziarra (Cofidis) sailkatu ziren haren atzetik helmugan. Boeckmansek denboraldiko bigarren garaipena du atzokoa, aurretik Bessegesko Izarreko etapa batean nagusitu baitzen.